Abraham Pasian, Isaac Pasian, Jacob Pasian ci a min ki lawh na pen a taktak in ci leng Topa Pasian pen amau te hang a ki sak theihna ci leng kikhiallo ding hi.
Abraham Pasian- Abraham pen leitung ah Christian te in upna pa ci a up na thu tawh kisai igen teh thupi isak mahmah leh igen bel khat hi in eite bek hilo in Topa mahmah zong in ama upna hang mah in zong angtang ana kisa ahi hi. Abraham in Melkhizedek tung sawm ah khat apiak zong upna hang mah ahihi.
Abraham in Topa sawlna bang in nagam leh nabeh naphung nawsia in la kong lah ding gam ah pai in tua lai ah nang thupha hong pia in minam lian in kong bawl ding a nang thupha ngah bang in leitung mi khempeuh in hong ngen ding uh hi ci in na sawl hi. Tua bang a asawl lai tak in Topa in Abraham kiang ah agam ding gen lo in pai in cih hi mawk ahih man in amah zong kei hong sawl Topa in hong tama sak lo ding hi cih upna tawh mai nawt in hong kipan khia a tua lai ah upana tawh hong kalsuan na amasa ahi hi.
A nihna ah Topa Pasian in Abraham amang sung ah na hopi a lau kei in nang kong ompi ding a na thaman lian mahmah ding hi ci in na hilh khol hi. Tua laitak in Abraham in bang hong pia ding na hiam Topa ta nong pia kei a ka inn sung a ka nasem pa in keima gamluah ding pa ahi hi ci in adawng hi.tua lai tak in Topa thu hong tung a hih mipa in nang ma gam luah lo ding hi a ci hi. Topa in Abraham inn pua lam ah pai khiat pih in van tung lam en in aksi te sim in na suan leh khak te tua mah bang ding hi a ci hi.amah in Topa um hi. Ahi ding bang in Abraham gamta hi ci in Topa in aciam teh hi.
A thumna ah Isaak hong pian khit ciang in Topa in Abraham na ziaet a natapa Isaak tawh kei nong bia ding hi na ci hi.tua lai tak in Topa in ana zia et teh Abraham in ata pa Isaak na hum cip peuh mah lo in Topa sawlna Moriah gam ah biakpiakna pia ding atapa Isaak tawh hong pai khawm uh hi.tua mun hong tun tak uh teh Isaak in apa kiang ah pa aw biakpiakna ding mei leh sing om khin a tuuno om lo hi acih ciang in Abraham in kata aw Topa in biakpiakna ding tuno hongsik ding hi ciin upna tawh na pulaak khia hi.ama upna mah bang in Abraham in biakpiakna ding in Isaak that ding in atem alik lai tak in Topa thu hong tung a biakpiakna ding tuuno khat mangkai lakah Topa in hong musak tahi.
Abraham upna thu aom tampi te lak ah athupi diak thuli te imuh pak ding in akikum suk i hihi.hih bang upna te mah Christianten ineih teh ei te hang in Topa hong kisa thei pan ding ahihi.tua hi a upna tawh kalsuan a sep khakna te ah Topa ana lungdam mahmah ahih na te Abraham nuntakna tung tawn in imu khia hi Topan tua bang upna nei te hong hi sakta hen.
Isaak Pasian leh Jacob Pasian pen mai ah zom kik ni.
(Laigelh Pa Peter Thang Sawm Lian Pen tulaitak HMC pawlpi Chairman tavuan a let laitak hi)